छत्रपती शिवाजी महाराजांचा आपल्या सर्वाना अभिमान आहे. पण जग बदलत असताना जुन्या गोष्टींचाच विचार करीत बसलो तर या प्रेरणेतून आपल्या गरजेची पूर्तता कधीच होऊ शकणार नाही. आजच्या परिस्थितीत त्याची उपयुक्तता लक्षात घेऊन ज्ञान विज्ञानाची कास धरत नवी कर्तृत्ववान पिढी घडवायला हवी. आपण विविध क्षेत्रात कर्तृत्व दाखवणारी पिढी तयार करतोय. त्याला सामोरे जाण्याची आपली तयारी पाहिजे. त्यासाठी ज्ञानाशी तडजोड करुन चालणार नाही. आपल्याला आत्मविश्वासाने उभी राहणारी तरुणांची पिढी निर्माण करायची आहे.

हमाल पंचायत ही एक संस्था नसून ती चळवळ आहे. असंघटित कामगारांसाठी सामाजिक सुरक्षा कायदा मंजूर झाला. पण ओळखपत्राखेरीज त्यांना काही मिळाले नाही. गरीबांच्या मुलांच्या शिक्षणाचे मोठे आव्हान उभे आहे. त्यासाठी सरकारसह सर्व घटकांनी हातभार लावला पाहिजे.